Azərbaycan - Uels matçı üçün satılan biletlərin sayı açıqlanıb

Azərbaycan millisinin AVRO-2020-nin seçmə mərhələsində Bakıda Uels yığmasına qarşı keçirəcəyi oyunu üçün satılan biletlərin sayı açıqlanıb.

"Report"un məlumatına görə, dünənə qədər matç üçün 8150 bilet satılıb. Qarşılaşma üçün biletlərin qiyməti adi sektorlara 2 - 4 manat, VİP sektorlar üçün 20 manat müəyyənləşdirilib.

Qeyd edək ki, bu gün "Bakcell Arena"da keçiriləcək Azərbaycan - Uels oyunu saat 21:00-da başlayacaq. Arena 11 min azarkeş tutumuna malikdir.