Yuxarı
    Bağlamaq

    ​Azərbaycan taekvondoçuları dünya çempionatına yollanacaq

    Dünya çempionatı 5 gün davam edəcək

    Bakı. 6 may. REPORT.AZ/ Mayın 13-də Rusiyanın Çelyabinsk şəhərində taekvondo üzrə böyüklər arasında dünya çempionatına start veriləcək. 

    Azərbaycan Taekvondo Federasiyasından "Report"a verilən məlumata görə, “Traktor” arenada 5 gün davam edəcək mundialda Azərbaycanı kişi və qadın taekvondoçulardan ibarət 15 idmançı təmsil edəcək.

    Kişilərdən ibarət komandanın baş məşqçisi Reza Mehmandoust dünya çempionatında Mikayıl Əliyev (-54 kq), Məhəmməd Məmmədov (-58 kq), Sina Bahrami (-63 kq), Axxan Tağızadə (-68 kq), İlkin Şahbazov (-74 kq), Milad Beigi Harçeqani (-80 kq), Radik İsayev (-87 kq), Əhməd Mohammadiyə (+87 kq) şans verəcək.

    Qadınlar isə 7 taekvondoçu ilə təmsil olunacaq. Baş məşqçi Sun Mi Park bu mötəbər yarışda Çeren Özbək (-46 kq), Patimat Abakarova (-49 kq), Lazara Caridad Povea (-53 kq), Günay Ağakişiyeva (-57 kq), Daria Skorko (-62 kq), Fəridə Əzizova (-67 kq) və Marina Tedeevanı (-73 kq) sınaqdan keçirəcək.

    Qeyd edək ki, mayın 7-də çempionata yollanacaq Azərbaycan millisi ayın 18-də vətənə dönəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi