Yuxarı
    Bağlamaq

    ​Azərbaycan Premyer Liqasının XIV turunda daha 2 oyun keçiriləcək

    Görüşlər Zirə və Şüvəlanda baş tutacaq

    Bakı. 28 noyabr. REPORT.AZ/ Bu gün futbol üzrə Azərbaycan Premyer Liqasının daha iki oyunu keçiriləcək. "Report"un məlumatına görə, görüşlər Zirə və Şüvəlanda baş tutacaq.

    Günün ilk qaşrılaşmasında AZAL "Sumqayıt" klubunu qəbul edəcək. "AZAL Arena"da keçirilək qarşılaşmanın baş hakimi Əliyar Ağayev olacaq. Komandalar bu günədək ölkə çempionatında 17 dəfə üz-üzə gəliblər. Bu qarşılaşmaların 6-da "təyyarəçilər", 3-də isə şəhər təmsilçiləri qələbəyə sevinib. Qalan 8 oyunda isə bərabərlik qeydə alınıb. Cütlüyün ardıcıl 3 matçında heç-heçə qeydə alınıb. AZAL indiyədək öz meydanında "Sumqayıt"a məğlub olmayıb. Samir Abasovun rəhbərlik etdiyi komanda bu görüşdən qalib ayrılacağı təqdirdə ən yaxın qonşusu "Neftçi" ilə xal fərqini 1-ə endirəcək. AZAL isə 3 xal sayəsində "Sumqayıt"la xallarını bərabərləşdirəcək.

    "Zirə" isə "Xəzər Lənkəran"la münasibətlərinə aydınlıq gətirəcək. Orxan Məmmədovun idarə edəcəyi qarşılaşma Zirə İdman Kompleksinin stadionunda keçiriləcək. Komandalar cəmi bir dəfə üz-üzə gəliblər ki, həmin görüşdən də "ağ-yaşıllar" minimal hesablı məğlubiyyətlə ayrılıb. Meydan sahibləri bu görüşdən qalib ayrılacağı təqdirdə ilk 3-lükdə qərarlaşacaq. Sonuncu pillələrdə məskunlaşan "Xəzər Lənkəran" isə qələbə sayəsində mövqeyini bir pillə yaxşılaşdıra bilər. Təbii ki, bunun üçün AZAL - "Sumqayıt" görüşündə qonaqlar xal itirməlidir.

    Premyer Liqa, XIV tur

    14:30. AZAL – "Sumqayıt"

    Hakimlər: Əliyar Ağayev, Zeynal Zeynalov, Vaqif Musayev, Mehman Mahmudov

    Əlavə köməkçi hakimlər: Elvin Əsgərov, Ramil Əhmədov

    AFFA nümayəndəsi: Vaqif Davudov

    Hakim-inspektor: Rövşən Əhmədov

    "AZAL Arena".

    16:30. "Zirə" – "Xəzər Lənkəran"

    Hakimlər: Orxan Məmmədov, Elman Musayev, Vüqar Bayramov, Coşqun Həsənov

    Əlavə köməkçi hakimlər: Fariz Yusifov, İnqilab Məmmədov

    AFFA nümayəndəsi: Ramiz Abdullayev

    Hakim-inspektor: Kərim Ağayev

    Zirə İdman Kompleksinin stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi