Yuxarı
    Bağlamaq

    Azərbaycan Premyer Liqasının lideri dəyişib - VİDEO

    Qəbələ Qarabağı məğlub edərək birinciliyi ələ alıb

    Bakı. 19 fevral. REPORT.AZ/ Bu gün futbol üzrə Azərbaycan Premyer Liqasında XIX tura yekun vurulub.

    “Report”un məlumatına görə, matçlardan biri Sumqayıtda, digəri Qəbələdə keçirilib.

    Sumqayıtda şəhərin eyniadlı təmsilçisi ilə AZAL qarşılaşıb. Görüşün taleyini 13-cü dəqiqədə Yusif Nəbiyevin vurduğu qol həll edib. Bu qələbədən sonra xalını 25-ə çatdıran meydan sahibləri 4-cü pilləni “Zirə”dən geri alıblar. “Təyyarəçilər” isə 8 xalla sonuncu – 8-ci yerdədirlər.

    Turun son matçı “Qəbələ” və “Qarabağ” komandaları arasında baş tutub. Cari mövsümdə çempionluğa əsas namizəd olan bu kollektivlərin növbəti dueli meydan sahiblərinin qalibiyyəti ilə nəticələnib. Matçda hesabı 28-ci dəqiqədə Sergey Zenyov açıb. 69-cu dəqiqədə isə Filip Ozobiç son nöqtəni qoyub. Bu, həm də bombardirlik yarışında liderlik edən xorvatiyalı yarımmüdafiəçinin 12-ci qolu olub.

    Beləliklə, xalını 42-yə çatdıran Qəbələ təmsilçisi zirvəni ələ keçirib. Roman Qriqorçukun komandası 42 xala malik olan Ağdam klubunun şəxsi görüşlərdə üstələdiyinə görə lider olub.

    Azərbaycan Premyer Liqası

    XIX tur

    19 fevral (bazar)

    15:00 “Sumqayıt” – AZAL 1:0

    Qol: Yusif Nəbiyev, 13

    Hakimlər: Rəhim Həsənov, Mehman Mahmudov, Cəmil Quliyev, Elvin Əsgərov

    AFFA nümayəndəsi: Rauf Hüseynli

    Hakim-inspektor: Asim Xudiyev

    “Kapital Bank Arena”

    17:30 “Qəbələ” – “Qarabağ” 2:0

    Qollar: Sergey Zenyov, 28, Filip Ozobiç, 69

    Hakimlər: Fariz Yusifov, Elman Musayev, Azər Əsgərov, Ömər Paşayev

    AFFA nümayəndəsi: Elbrus Abbasov

    Hakim-inspektor: Əli Hüseynov

    Qəbələ şəhər stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi