Yuxarı
    Bağlamaq

    Azərbaycan Premyer Liqasının debütantı stadionunu yeniləyəcək

    Zirə İdman Kompleksinin stadionunda təmir-tikinti və yenidənqurma işlərinə başlayacaq

    Bakı. 15 may. REPORT.AZ/ 2015-2016-cı il mövsümündə futbol üzrə Azərbaycan Premyer Liqasında iştirak hüququ qazanmış “Zirə” klubu hazırlığa infrastrukturdan başlamağa qərar verib. Klubdan "Report"a verilən məlumata görə, bu məqsədlə Zirə İdman Kompleksinin stadionunda təmir-tikinti və yenidənqurma işlərinə başlanılacaq.

    Layihəyə Azərbaycan çempionatının I Divizionunda mövsüm başa çatdıqdan sonra start veriləcək. Klub stadionun süni örtüyünü beynəlxalq standartlara cavab verən yenisi ilə əvəzləyəcəyini bəyan edib. Həmçinin, paltardəyişmə, hakim və hakim-inspektor otaqları da təmir olunacaq, bəziləri yenidən qurulacaq.

    "Zirə"dən o da bildirilib ki, təmir-tikinti və yenidənqurma işləri bununla da yekunlaşmayacaq. Premyer Liqada növbəti mövsümünün startınadək stadionda başqa yeniliklər də olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi