Bakı. 25 iyun. REPORT.AZ/ Futbol üzrə Azərbaycan Premyer Liqasının debütantı "Sabah" klubu ikinci legioner transferini gerçəkləşdirib.
Bu barədə "Report"a komandanın baş məşqçisi Elşad Əhmədov məlumat verib. Onun sözlərinə görə, Serbiyanın "Radnik Surdilitsa" klubunun futbolçusu Filip İvanoviç heyətə cəlb olunub. 26 yaşlı serbiyalı mərkəz müdafiəçisi sabah rəsmi müqavilə imzalayacaq.
Qeyd edək ki, "Sabah" daha öncə Sloveniya "Krsko"sundan dayaq yarımmüdafiəçisi Yosip Baliçi transfer edib.