Azərbaycan Premyer Liqasında yeni mövsümün püşkatma vaxtı dəqiqləşib

Bakı. 23 iyul. REPORT.AZ/ Futbol üzrə Azərbaycan Premyer Liqasında 2016/2017 mövsümünün püşkatma mərasiminin vaxtı dəqiqləşib. "Report"un məlumatına görə, tədbir 26 iyul saat 12:00-da AFFA-nın inzibati binasında təşkil olunacaq. 

Püşkatmada Peşəkar Futbol Liqasının prezidenti Ramin Musayev və klub nümayəndələri iştirak edəcək. 

Qeyd edək ki, yeni mövsüm 8 komanda - "Qarabağ", "Zirə", "Qəbələ", "İnter", "Kəpəz", "Neftçi", AZAL və "Sumqayıt"ın iştirakı ilə keçiriləcək.