Yuxarı
    Bağlamaq

    Bu gün ​Avropa Liqasına vəsiqə qazanan daha bir Azərbaycan klubu müəyyənləşə bilər

    Turun ilk oyun günündə 2 qarşılaşma baş tutacaq

    Bakı. 1 may. REPORT.AZ/ Bu gün futbol üzrə Azərbaycan Premyer Liqasında XXXII tura start veriləcək. "Report"un məlumatına görə, turun oyunları iki gün davam edəcək.

    İlk oyun günündə iki qarşılaşma baş tutacaq. Zaqatalanın "Simurq" klubu doğma azarkeşlər önündə paytaxt "İnter"ini sınağa çəkəcək. "Bankirlər" səfər qələbəsi sayəsində turnir cədvəlinin ilk "üçlüy"ündə yerini möhkləmləndirərək, liderlik uğrunda mübarizəyə davam edəcəksə, "sarı-qaralar"a 3 xal Avroliqaya vəsiqə üçün nəzəri şanslarını qorumaqda yardımçı ola bilər. 

    Bakıdakı "Bakcell Arena"da isə "Neftçi" və "Sumqayıt" komandaları münasibətlərinə aydınlıq gətirəcəklər. Turnir cədvəlinin son pilləsindən uzaqlaşan "Gənclik şəhəri" təmsilçisi qazanılan xallar sayəsində ən yaxın qonşusu "Xəzər Lənkəran"ı qabaqlaya bilər. Çempionluq şanslarını itirən "Neftçi" isə qələbə sayəsində 2-ci yerə yüksəlməyə can atacaq. 

    Bu oyunlarda "İnter" qələbə qazansa və "Neftçi" xal itirsə, "bankirlər" ən azı ikinci yeri və Avropa Liqasına vəsiqəni təmin edəcəklər. Daha öncə "Qarabağ" bu vəzifənin öhdəsindən gəlib.    

    Azərbaycan Premyer Liqası, XXXII tur

    1 may

    17:00. "Simurq" (Zaqatala) - "İnter" (Bakı)

    Hakimlər: Fariz Yusifov, Cavanşir Yusifov, Vüsal Qənbərov, İnqilab Məmmədov

    Zaqatala şəhər stadionu

    20:00. "Neftçi" (Bakı) - "Sumqayıt"

    Hakimlər: Orxan Məmmədov, Akif Əmirəli, Kamran Bayramov, Ramil Əhmədov

    Bakı. "Bakcell Arena"

    Qeyd edək ki, turun qalan iki görüşü mayın 2-də keçiriləcək. Son oyun günündə "Qəbələ" Ağdamın "Qarabağ" klubunu, "Bakı" isə "Xəzər Lənkəran"ı qəbul edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi