Yuxarı

Azərbaycan Premyer Liqasında XVII tura start verilib

Bakı. 16 fevral. REPORT.AZ/ Futbol üzrə Azərbaycan Premyer Liqasında XVII tura start verilib.

"Report" xəbər verir ki, həftənin ilk oyununda "Keşlə" ASK arenada "Sumqayıt"ı qəbul edib.

Rauf Cabbarovun idarə etdiyi matç "Keşlə"nin 2-1 hesablı qələbəsi ilə başa çatıb.

Matçda hesabı 28-ci dəqiqədə "Keşlə"nin forvardı Amil Yunanov açıb. Qonaqlar görüşün 73-cü dəqiqəsində hesabı bərabərləşdirib. Əfran İsmayılov cinah asmasını başla qapıya göndərib. Oyuna əlavə olunmuş 3-cü dəqiqədə Amil Yunanova qarşı cərimə meydançasında baş verən qayda pozuntusuna görə hakim penalti nöqtəsini göstərib. Topa yaxınlaşan Nikola Mitroviç hesabı 2:1 edib.

Bu nəticədən sonra xalını 15-ə çatdıran "Keşlə" 6-cı pilləyə yüksəlib. 15 xala malik "Sumqayıt" klubu isə 7-ci pilləyə enib.

Hesabat turu saat 17:30-da start götürəcək "Zirə" - "Neftçi" oyunu ilə davam edəcək. Bazar günü isə "Səbail" - "Sabah", Qarabağ" - "Qəbələ" görüşləri baş tutacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi