Yuxarı
    Bağlamaq

    ​Azərbaycan Premyer Liqasında XVII tura start veriləcək

    İlk oyun günündə bir qarşılaşma keçiriləcək

    Bakı. 15 dekabr. REPORT.AZ/ Bu gün futbol üzrə Azərbaycan Premyer Liqasında XVII tura start veriləcək. "Report"un məlumatına görə, günün yeganə oyununda "Rəvan" və "İnter" komandaları qarşılaşacaq.

    "Bayıl Arena"da keçiriləcək matçı Rauf Cabbarov idarə edəcək. Komandalar bugünədək 9 dəfə üz-üzə gəlib. Görüşlərin hamısında "bankirlər" qələbəyə sevinib. Son turda "Sumqayıt"a məğlub olan Zaur Svanadzenin rəhbərlik etdiyi komanda səfər görüşündən 3 xalla ayrılacağı təqdirdə, ən azı bir günlük ilk "3-lüy"ə qayıdacaq. Son turlarda xal ehtiyatını artıran "Rəvan" isə qələbə qazanarsa, sonuncu pillədən qurtula bilər. 

    20:30. "Rəvan" (Bakı) – "İnter" (Bakı)

    Hakimlər: Rauf Cabbarov, Azər Əsgərov, İsgəndər Əliyev, Xəlil Xəlilov

    AFFA nümayəndəsi: Adil Nadirov

    Hakim-inspektor: Murad Məmmədov

    Bakı. "Bayıl Arena"

    Qeyd edək ki, turun digər oyunları 16 və 17 dekabrda keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi