Yuxarı

Azərbaycan Premyer Liqasında VI tura yekun vurulacaq

Son oyunda Neftçi və Sumqayıt komandaları qarşılaşacaq

Bakı. 27 sentyabr. REPORT.AZ/ Bu gün futbol üzrə Azərbaycan Premyer Liqasında VI tura yekun vurulacaq. "Report"un məlumatına görə, turun son oyununda "Neftçi" Sumqayıtın eyniadlı komandası ilə qarşılaşacaq.

Cari mövsümdə uğursuzluq zolağından çıxa bilməyən "ağ-qaralar" ev oyunundan qələbə ilə ayrılmağa çalışacaq. Bu "Neftçi"nin baş məşqçisi kimi Elxan Abdullayevin ikinci sınağı olacaq. Bakılılar E.Abdullayevin debüt oyununda "İnter"ə səfərdə uduzub - 1:2. "Sumqayıt" isə son bir həftədə iki oyun keçirib. Samir Abasovun baş məşqçi olduğu komanda V turda evdə "Kəpəz"lə 1:1 hesablı heç-heçə etdikdən sonra III turdan təxirə salınmış görüşdə səfərdə "Qəbələ"yə yenilib - 0:2. Komandalar ölkə çempionatlarında bugünədək 16 oyun keçirib. Bu görüşlərin 10-u "Neftçi"nin, 4-ü isə "Sumqayıt"ın qələbəsi ilə başa çatıb. Qalan 2 görüşdə isə bərabərlik qeydə alınıb. Qapılara vurulan toplarda da paytaxt təmsilçisi üstündür - 33:18. "Sumqayıt" son 8 görüşdə yalnız 1 qələbə qazanıb.

"Neftçi" bu tur qələbə qazanarsa, turnir cədvəlindəki mövqeyini yaxşılaşdıracaq. Komanda xal ehtiyatını 6-ya yüksəltmiş olacaq ki, nəticədə "Zirə" ilə 5-6-cı pillələri bölüşəcək. Heç-heçə və məğlubiyyət isə Elxan Abdullayein rəhbərlik etdiyi komandanın hazıda qərarlaşdığı 7-ci pillədən irəli getməsinə kömək etməyəcək. 4 xalla "Neftçi"dən bir pillə yüksəkdə qərarlaşan "Sumqayıt" isə səfər qələbəsi sayəsində xallarını "Kəpəz"lə bərabərləşdirəcək - 7 xal. Bərabərlik "Sumqayıt"ın hazırkı 6-cı pillədəki mövqeyini gücləndirəcəksə, məğlubiyyət Samir Abasovun rəhbərlik etdiyi komandanı 8-ci pilləyə endirəcək.

Azərbaycan Premyer Liqası, VI tur

27 sentyabr

19:00. "Neftçi" - "Sumqayıt"

Hakimlər: Ramil Diniyev, Azər Əsgərov, Vüqar Bayramov, Vüsal Qənbərov

Əlavə köməkçi hakimlər: Rəhim Həsənov, Ömər Paşayev

AFFA nümayəndəsi: Mübariz Hüseynov

Hakim-inspektor: Vüsal Əliyev

Masazır. "Əlincə Arena"

Qeyd edək ki, turun əvvəlki oyunlarında "İnter" səfərdə AZAL-ı 3:1, "Qəbələ" "Zirə"ni 2:0 hesabı ilə məğlub edib. "Kəpəz" - "Qarabağ" oyununda isə qalib müəyyənləşməyib - 1:1.

NKlublarOQHMT-FX
1"Qəbələ"651017-016
2"İnter"642011-614
3"Qarabağ"641115-313
4"Kəpəz"61416-67
5"Zirə"62044-86
6"Sumqayıt"51133-74
7"Neftçi"51043-143
8AZAL60152-171

Bombardir:

Baqali Dabo ("Qəbələ") - 6 qol.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi