Yuxarı

Azərbaycan Premyer Liqasında sonuncu turun “Qəbələ” - “Qarabağ” matçı Bakıda keçirilə bilər

Azərbaycan Premyer Liqasında sonuncu turun “Qəbələ” - “Qarabağ” matçı Bakıda keçirilə bilər
Bu addım Qarabağa çempionluq kubokunun Bakıda verilməsi üçün atılacaq
© Report — PFL prezidenti Ramin Musayev

Bakı. 24 aprel. REPORT.AZ/ Futbol üzrə Azərbaycan Premyer Liqasında sonuncu – XXVIII turun “Qəbələ” - “Qarabağ” matçı Bakıda keçirilə bilər.

Bu barədə “Report”a Peşəkar Futbol Liqasının prezidenti Ramin Musayev məlumat verib. R.Musayev belə bir variantı Ağdam klubuna çempionluq kubokunun və qızıl medalların təqdim edilməsi ilə əlaqələndirib. Dəyişiklik rəsmiləşəcəyi təqdirdə, matç mayın 20-də Qəbələdə deyil, “Azərsun Arena”da keçiriləcək: “Çempionluq kubokunu sonuncu turda təqdim etməyi nəzərdə tutmuşuq. "Qarabağ" isə axırıncı turda səfərdə "Qəbələ" ilə üz-üzə gələcək. "Qarabağ"ın mükafatı doğma azarkeşləri önündə almasından ötrü "Qəbələ"dən oyunu Bakıda keçirməsini xahiş edə bilərik".

Qeyd edək ki, “Qarabağ” cari mövsümün başa çatmasına 4 tur qalmış çempionluğu rəsmiləşdirib. Hazırda 59 xalla birinci pillədə qərarlaşan Ağdam təmsilçisi 2-ci sıradakı “Qəbələ”ni 17 xal qabaqlayır. PFL-in planı gerçəkləşsə, “qırmızı-qaralar” mükafatçılar sırasına düşəcəkləri təqdirdə, onlar da medallarını “Azərsun Arena”da alacaqlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi