Yuxarı
    Bağlamaq

    ​Azərbaycan Premyer Liqasında legioner rüsumu 4 dəfə azaldılacaq

    Bu barədə Peşəkar Futbol Liqasının prezidenti açıqlama verib

    Bakı. 1 mart. REPORT.AZ/ Azərbaycan Premyer Liqasında legioner futbolçulara tətbiq olunan rüsum azaldılacaq. "Report"un məlumatına görə, bu barədə Peşəkar Futbol Liqasının prezidenti Ramin Musayev jurnalistlərə açıqlamasında bildirib.

    PFL prezidenti rüsumun bütün legionerlər üçün 5 min manata endiriləcəyini söyləyib. R.Musayev Klublar Komitəsinin bugünkü iclasında məsələ ilə bağlı müzakirələrin olduğunu və yekun qərarın AFFA İcraiyyə Komitəsinin iclasında veriləcəyini deyib: "Bu qərar ona görə verildi ki, hazırda klubların maddi vəziyyəti böyük məbləğdə legioner rüsumu ödəməyə kifayət etmir. Digər tərəfdən, çempionatda elə də əcnəbi futbolçu yoxdur. Qoy, bu da klublara Od çərşənbəsi hədiyyəsi olsun".

    Qeyd edək ki, hazırda legioner rüsumu 20 min manatdır. Amma növbəti illərdə eyni əcnəbi futbolçu komandada qalarsa, məbləğ yarıbayarı azaldılır. Öz ölkələrinin millisində oynayan əcnəbilər üçün isə rüsum alınmır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi