Yuxarı
    Bağlamaq

    Azərbaycan Premyer Liqasında iştirak edəcək klublara lisenziyalar təqdim olunub

    AFFA-da tədbir keçirilib© Affa.az

    Bakı. 26 may. REPORT.AZ/ Bu gün AFFA-nın inzibati binasında 2017-2018-ci il lisenziyalaşdırma mövsümündə UEFA-nın klub yarışlarında və Azərbaycan Premyer Liqasında iştirak etmək üçün lisenziya əldə etmiş klubların nümayəndələri ilə görüş keçirilib. 

    "Report" AFFA-nın rəsmi saytına istinadən xəbər verir ki, tədbirdə Lisenziyalaşdırma Qrupunun əməkdaşları tərəfindən iştirakçılar mövsümünün yekunları ilə bağlı statistik göstəricilər və növbəti mövsümün lisenziyalaşdırma prosesini əhatə edəcək yeniliklər barədə məlumatlandırılıblar. Tədbirin sonunda növbəti mövsümdə Premyer Liqada iştirak edəcək klublar müvafiq lisenziyalar təqdim olunub. Eyni zamanda ötən mövsümün ən yaxşı lisenziyalaşdırma üzrə meneceri Zöhrab Hacıyev və ötən mövsümün ən yaxşı maliyyə meneceri Mənsurə Məmmədova xüsusi sertifikatla mükafatlandırılıb. 

    Qeyd edək ki, lisenizyları UEFA-nın klub yarışlarında iştirak etmək üçün ilk 6 yeri tutmuş "İnter”, "Qarabağ", "Qəbələ", "Neftci", "Sumqayıt” və "Zirə”, Premyer Liqada iştirak üçün isə "Kəpəz” və "Səbail” alıb. Bununla da gələn mövsüm Premyer Liqada 8 komandanın iştirak edəcəyi rəsmiləşib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi