Azərbaycan Premyer Liqasında gələn mövsüm komanda sayı artırılmayacaq

Bakı. 11 may. REPORT.AZ/ "Futbol üzrə Azərbaycan Premyer Liqasında komanda sayı artırılmayacaq." 

“Report” xəbər verir ki, bu barədə AFFA-nın baş katibi Elxan Məmmədov qurumun İcraiyyə Komitəsinin iclasından sonra təşkil etdiyi brifinqdə bildirib. 

O deyib ki, I Divizion komandalarından yalnız "Sabah" tam şəkildə sənədlərini təqdim edib. Lakin bu komandanın Premyer Liqada sonuncu yeri tutan "Kəpəz"i əvəzləyib-əvəzləməyəcəyinə AFFA-nın Lisenziyalaşdırma Qrupu qərar verəcək.