Yuxarı
    Bağlamaq

    ​Azərbaycan Premyer Liqasında daha bir oyun keçiriləcək

    Zirə doğma azarkeşlər önündə Neftçi ilə üz-üzə gələcək

    Bakı. 3 oktyabr. REPORT.AZ/ Bu gün futbol üzrə Azərbaycan Premyer Liqasının VII turunun daha bir oyunu keçiriləcək. "Report"un məlumatına görə, çempionatın debütantı "Zirə" doğma azarkeşlər önündə "Neftçi" ilə üz-üzə gələcək.

    Görüş "Zirə" İdman Kompleksinin stadionunda baş tutacaq. Komandalar VI turun nəticəsinə əsasən qonşu pillələrdə yer alıblar. Aktivində 12 xal olan "Zirə" 4-cü, 9 xal olan "Neftçi" isə 5-ci pillədədir.

    Bugünkü görüşdə meydan sahibləri qələbə qazanacağı və oyun heç-heçə bitəcəyi təqdirdə turnir cədvəlindəki mövqeyini möhkəmləndirəcək. "Ağ-qaralar" isə meydanı qalib tərk edəcəyi halda "Zirə" ilə xallarını bərabərləşdirəcək.

    Əliyar Ağayevin baş hakim olacağı qarşılaşma saat 19:00-da start götürəcək.

    Azərbaycan Premyer Liqası, VII tur

    19:00. "Zirə" - "Neftçi"

    Hakimlər: Əliyar Ağayev, Zeynal Zeynalov, Rza Məmmədov, Ömər Paşayev

    AFFA nümayəndəsi: Ramiz Mustafayev

    Hakim-inspektor: Məlik Həsənov

    Zirə İdman Kompleksinin stadionu

    Qeyd edək ki, turun ilk oyununda AZAL doğma meydanda "Rəvan"ı 1:0 hesabı ilə məğlub edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi