Yuxarı

Azərbaycan millisinin yoldaşlıq oyunları üçün səfər proqramı müəyyənləşib

Azərbaycan millisinin yoldaşlıq oyunları üçün səfər proqramı müəyyənləşib
Pavel Paşayevin yüngül zədəsi var

Bakı. 1 iyun. REPORT.AZ/ Futbol üzrə Azərbaycan millisi komandasının iyunun 5-də Astanada Qazaxıstan yığması ilə keçirəcəyi yoldaşlıq görüşü üçün səfər planı müəyyənləşib.

Milli komandalar üzrə mətbuat xidmətindən “Report”a verilən məlumata görə, yığma iyunun 3-də saat 12:00-da çarter reysi ilə Astanaya yola düşəcək. Komandanın heyətindəki 26 futbolçudan yalnız Qırğızıstanla yoldaşlıq görüşündə xəsarət alan Pavel Paşayevin yüngül zədəsi var. Lakin həkimlərin rəyinə əsasən, sağ cinah müdafiəçisi Qazaxıstanla qarşılaşmada meydana çıxa biləcək.

İyunun 4-də Qazaxıstanın U-21 komandası ilə yoldaşlıq oyunu keçirəcək Azərbaycanın U-21 millisi də əsas yığma ilə birgə yola düşəcək. Rəşad Sadıqovun rəhbərlik etdiyi kollektiv oyundan sonra adi reyslə Bakıya dönəcək.

Əsas komanda isə çarter reysi ilə iyunun 7-də Latviya ilə yoldaşlıq oyunu üçün Riqaya yollanacaq.

Qeyd edək ki, Qazaxıstanla görüş Bakı vaxtı ilə saat 18:00-da, Latviya ilə matç isə 19:00-da başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi