Yuxarı
    Bağlamaq

    ​Azərbaycan millisinin üzvü: "Nəyə görə Portuqaliyanı məğlub etməyək?"

    Komandanın uğuru üçün hər şey edəcəm

    Bakı. 4 May. REPORT.AZ/17 yaşadək futbolçulardan ibarət Azərbaycan milli komandasının və Türkiyənin "Beşikaş" klubunun yarımmüdafiəçisi Mətin Gülərin "Report"a müsahibəsi

    - Avropa çempionatının startına 1 gün qalıb. Komandamızın hazırlıq prosesini necə dəyərləndirərdin?

    - Hazırlıqlarımız çox yaxşı gedir. Komanda aprelin 18-dən məşqlərə başlayıb. Mən isə 2 gün sonra düşərgəyə qatıldım. Hər şey yolundadır. Komandanın düşərgəsində xeyli sayda futbolçu var idi. Yekunda baş məşqçi “18-liy”i müəyyənləşdirib. Mən də bu siyahıda yer aldım. Buna görə də çox şadam.

    - Heyətdən kənarda qala biləcəyindən ehtiyatlanırdın?

    - 2 ildir Azərbaycan millisində çıxış edirəm. Amma Avropa çempionatı öncəsi heyətə yeni oyunçular qatılıb. Hər kəsin heyətdən kənarda qalmaq ehtimalı var idi. Yekunda heyətə düşə bildim.

    - Millimizə cəlb olunan yeni futbolçulardan Atlam Ege də sənin kimi “Beşiktaş”da forma geyir. Onun oyunu haqda fikirlərin necədir?

    - Əvvəlcə onu deyim ki, yeni gələn oyunçuların hər biri komandamıza kömək edəcək səviyyədədirlər. O ki qaldı, Atlam Egeyə, o da ilk başda həyəcanlı idi. Yekunda heyətə düşdü və komandamızın uğuru üçün əlindən gələni edəcək.

    - Azarkeşlər sizdən Portuqaliya ilə oyunda qəıləbə gözləyə bilərlər?

    - Təbii ki. Nəyə görə Portuqaliyanı məğlub etməyək? 1 oyundur və meydanda hər şey ola bilər. Hər birimizin xəyalları, arzuları var, çempion olmaq istəyirik. Əlimizdən gələni edəcəyik ki, istəyimizə çataq.

    - Portuqaliyanın oyununu izləmisiz?

    - Bəli, izləmişik.

    - Hansısa oyunçunu fərqləndirə, üstünlüklərini qeyd edə bilərsən?

    - Konkret hansısa oyunçuları fərqləndirmək istəməzdim. Rəqibi analiz etmişik, zəif və üstün cəhətlərini bilirik.

    - “A” qrupunun favoriti hansı komandadır?

    - Hər zamankı kimi Azərbaycan deyəcəyəm. Rəqiblərimiz güclüdürlər, bunu danmaq olmaz. Yenə də qrupdan çıxmaq üçün sona qədər mübarizə aparacağıq.

    - Türkiyədə sənə və Azərbaycan yığmasına maraq necədir?

    - Dostlarım, məşqçilərim mənə daim dəstək olurlar. Avropa çempionatını onlar da diqqətdə saxlayacaqlar. Hər kəs çempionatı və Azərbaycan yığmasının oyunlarını həyəcanla izləyəcək.

    - U-17 millimizin son qolunu Rusiya ilə görüşdə sən vurmusan. Sabahkı oyunda da azarkeşlərə qol söz verə bilərsən?

    - Əlbəttə. Meydana çıxarkən komandanın uğuru üçün hər şey edəcəm. Qol vurub komandama fayda vermək istəyirəm.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi