Yuxarı
    Bağlamaq

    Azərbaycan millisinin sabiq baş məşqçisinin adı bütün dövrlərin ən yaxşı komandasına daxil edilib

    Yohan Kroyfun kitabında Lionel Messiyə Arzuların komandasında yer verilməyib

    Bakı. 5 oktyabr. REPORT.AZ/ Tanınmış hollandiyalı futbolçu Yohan Kroyfun avtobioqrafik kitabı işıq üzü görüb. 

    "Report"un məlumatına görə, kitabda Kroyfun bütün zamanların ən yaxşı futbolçusu hesab etdiyi oyunçuların adları yer alıb.

    İdeal yığmada Lev Yaşin (Rusiya), Karlos Alberto Tores (Braziliya), Frants Bekkenbauer (Almaniya), Xosep Qvardiola (İspaniya), Rud Krol (Hollandiya), Alfredo di Stefano (Argentina), Bobbi Çarlton (İngiltərə), Qarrinça (Braziliya), Dieqo Maradona (Argentina), Pele (Braziliya) və Pit Keyzer (Hollandiya) yer alıb.

    Lakin bu "11-lik"də Argentina yığmasının və İspaniyanın "Barselona" klubunun hücumçusu Lionel Messinin adı yoxdur.

    Kroyf bu il martın 24-də 68 yaşında vəfat edib. O, futbolçu kimi Hollandiyanın "Ayaks" və İspaniyanın "Barselona" klublarının heyətində "Qızıl top"a layiq görülüb.

    Qeyd edək ki, Karlos Alberto Torres 2004-2005 mövsümündə Azərbaycan millisinin baş məşqçisi olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi