Yuxarı

Azərbaycan millisinin rəqibi itkilərlə üzləşib

Qapıçının dirsəyində sınıq aşkarlanıb

Bakı. 5 oktyabr. REPORT.AZ/ Rusiyada 2018-ci ildə keçiriləcək dünya çempionatının seçmə qrup mərhələsində Azərbaycan millisi ilə qarşılaşacaq Çexiya yığması futbolçu itkiləri ilə üzləşib. 

"Report"un Çexiya Futbol Federasiyasının rəsmi saytına istinadən verdiyi məlumata görə, yarımmüdafiəçi Martin Fridek və qapıçı Yaroslab Drobnı zədələnib. 

Hər iki futbolçu komandanın bu gün səhər baş tutmuş məşqində zədələnib. MRT müayinəsindən sonra futbolçunun menisk və xaçvari bağlarından zədələndiyi məlum olub. Drobnının isə məşq zamanı mübarizələrin birində dirsək sümüyü sınıb. Təcrübəli qapıçının qolu gipsə salınıb.

Qeyd edək ki, oktyabrın 11-də Ostrava şəhərində keçiriləcək Çexiya - Azərbaycan oyunu Bakı vaxtı ilə saat 22:45-də başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi