Yuxarı

Azərbaycan millisinin futbolçusu Eddi İsrafilov yeni kluba icarəyə verilib

23 yaşlı oyunçu yenidən Sequnda klubunda çıxış edəcək

Bakı. 13 iyul. REPORT.AZ/ Azərbaycan milli komandasının futbolçusu Eddi İsrafilov növbəti mövsümü İspaniyanın "Eybar" klubunda keçirəcək. "Report"un klubun rəsmi saytına istinadən verdiyi məlumata görə, müqavilə üzrə "Mursiya"ya məxsus hücumameyilli yarımmüdafiəçi sonradan alına bilməsi şərti ilə 1 illik icarəyə götürülüb.

23 yaşlı oyunçunun təqdimat mərasimi bu gün "Eybar"a məxsus "İpurua" stadionunda baş tutacaq.

Qeyd edək ki, Eddi İsrafilov ötən mövsümü İspaniya La Liqasında yarışan "Qranada"da icarə əsasında keçirib. Klub mövsümü 17-ci pillədə başa vuraraq, Sequndaya enişdən qurtulub. Əvəzində "Qranada" ilə eyni miqdarda - 35 xal toplamış "Eybar" 18-ci yeri tutaraq, aşağı liqaya düşüb.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi