Azərbaycan millisi yoldaşlıq oyununda qalib gəlib

Bakı. 17 fevral. REPORT.AZ/ Futbol üzrə 21 yaşadək qızlardan ibarət Azərbaycan yığması İspaniyanın Tarraqona şəhərində təlim-məşq toplanışındadır.

AFFA-dan bildiriblər ki, hazırlıq prosesində yığmamız yerli “Pardinyes” klubunun U-21 komandası ilə yoldaşlıq oyununda 3:2 hesablı qələbə qazanıb.

Sevinc Cəfərzadənin dubl etdiyi oyunda digər qolu Nərgiz Hacıyeva vurub.