Yuxarı

Azərbaycan millisi Rusiya ilə Bakı Olimpiya Stadionunda yoldaşlıq görüşü keçirmək istəyir

Elxan Məmmədov: Təəssüf ki, hələlik bu, bir qədər çətindir

Bakı. 25 iyun. REPORT.AZ/ AFFA rəhbərliyi Azərbaycan milli komandasının Rusiya yığması ilə Bakı Olimpiya Stadionunda yoldaşlıq görüşü keçirmək istəyini dilə gətirib. "Report"un məlumatına görə, bu barədə TASS-a AFFA-nın baş katibi Elxan Məmmədov açıqlama verib. 

Hazırda Olimpiya Stadionu "Bakı 2015" I Avropa Oyunlarının əsas idman qurğularındandır. Bu stadionda Oyunların açılış mərasimi, eləcə də atletika üzrə yarışlar keçirilib. İyunun 28-də isə bağlanış mərasimi olacaq. 

"Son 3 ildə biz Rusiya yığması ilə dəfələrlə qarşılaşmışıq. O cümlədən, ötən il Moskvada yoldaşlıq görüşü keçirmişik. Bizim böyük stadionumuzda da oynamaq istərdik. Əminik ki, bu halda tribunalar dolardı. Təəssüf ki, hələlik bu, bir qədər çətindir. Çünki gələn ilə hər şey təqvimdə göstərilib". 

Qeyd edək ki, Bakı Olimpiya Stadionunda ilk futbol matçının oktyabrın 10-da keçirilməsi nəzərdə tutulub. Həmin gün Azərbaycan yığması İtaliya ilə AVRO-2016-nın seçmə qrup matçına çıxacaq.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi