Bakı. 29 may. REPORT.AZ/ Avstriyada təlim-məşq toplanışında olan futbol üzrə Azərbaycan milli komandası növbəti yoldaşlıq oyununu keçirib.
“Report” xəbər verir ki, yığmanın budəfəki rəqibi Makedoniya kollektivi olub.
Qarşılıqlı hücumlar şəraitində keçən görüş rəqibin 3:1 hesablı qələbəsi ilə başa çatıb.
Beynəlxalq yoldaşlıq oyunu
Azərbaycan-Makedoniya- 1:3
Qollar: Marijan Radeski, 20 (0-1), Goran Pandev, 33 (0-2), Əfran İsmayılov, 72 (pen. 1:2), Ilija Nestorovski, 90+2 (3:1)
Milli Avstriyada ilk yoldaşlıq görüşünü Andorraya qarşı keçirib. Həmin oyunda qapılara qol vurulmayıb.