Yuxarı

​Azərbaycan millisi Avropa Liqasının seçmə mərhələsində çıxış edəcək

Milli komanda 3 oyun keçirəcək

Bakı. 2 avqust. REPORT.AZ Çimərlik futbolu üzrə Azərbaycan milli komandası Macarıstanın Siofok şəhərində keçiriləcək Avropa Liqasının seçmə mərhələsində çıxış edəcək. 

"Report"un AFFA-nın rəsmi saytına istinadən verdiyi məlumata görə, avqustun 9-dan 15-dək davam edəcək seçmə mərhələdə millimiz 3 oyun keçirəcək.

Baş məşqçi Zeynal Zeynalov oyunlara 12 futbolçunu dəvət edib. Bunlar Vaqif Şirinbəyov, Elçin Qasımov, Renat Sultanov, Elvin Quliyev, Amid Nəzərov, Orxan Məmmədov, İlkin Hacıyev, Asif Zeynalov, Ramil Əliyev, Sabir Allahquliyev, Əbdül Əliyev və Hikmət Bağırovdur.

Oyunların təqvimi

12 avqust

14:15. Azərbaycan – Bolqarıstan

13 avqust

14:15. Azərbaycan – Danimarka

14 avqust

19:00. Macarıstan – Azərbaycan

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi