​Azərbaycan – Malta oyununa bilet satışı davam edir

Bakı. 22 mart. REPORT.AZ/ Avro-2016-nın seçmə mərhələsi çərçivəsində martın 28-də, saat 21:00-da, Tofiq Bəhramov adına Respublika stadionunda keçiriləcək Azərbaycan – Malta oyununa bilet satışı davam edir.

"Report" AFFA-ya istinadən xəbər verir ki, biletləri Tofiq Bəhramov adına Respublika stadionunun və "Bakcell Arena"nın kassalarında, həmçinin Üzeyir Hacıbəyli küçəsi 48 ünvanında yerləşən Bakcell Müştəri Xidmətləri mərkəzində əldə etmək mümkündür.

Qarşılaşmanın biletlərinin qiyməti kateqoriyadan asılı olaraq 2, 4, 6 və 20 AZN-dir.