Yuxarı

​Azərbaycan Kubokunun ilk oyunları bir dəqiqəlik sükutla başlayacaq

Oyunlardan öncə Sakit Alıyevin xatirəsi yad olunacaq

Bakı. 13 oktyabr. REPORT.AZ/ Azərbaycan Kubokunun oktyabrın 14-də keçiriləcək ilkin təsnifat oyunları 1 dəqiqəlik sükutla başlayacaq. Bu barədə "Report"a Peşəkar Futbol Liqasından məlumat verilib.

Bildirilib ki, ötən gün səhər saatlarında dünyasını dəyişmiş Tovuzun "Turan" klubunun sabiq futbolçusu və məşqçisi Sakit Alıyevin xatirəsi yad olunacaq. MOİK - "Turan", "Şahdağ" - "Şəmkir" və "Şərurspor" - "Qaradağ-Löbatan" qarşılaşmalarından əvvəl 1 dəqiqəlik sükut elan olunacaq. S.Alıyevin xatirəsinin Azərbaycan Premyer Liqasının növbəti tur oyunlarında da yad olunub-olunmayacağı hazırda Azərbaycan millisinin oyunu ilə əlaqədar Bolqarıstanda olan PFL prezidenti Ramin Musayevin Bakıya qayıdışından sonra dəqiqləşəcək. 

Qeyd edək ki, Sakit Alıyev uzun sürən xəstəlikdən sonra 50 yaşında vəfat edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi