Azərbaycan Kubokunda yarımfinal mərhələsinin ilk oyunları üçün təyinatlar açıqlanıb

Bakı. 29 mart. REPORT.AZ/ Futbol üzrə Azərbaycan Kubokunda yarımfinal mərhələsinin ilk oyunları üçün bütün təyinatlar müəyyənləşib. 

"Report"un Peşəkar Futbol Liqasının rəsmi saytına istinadən verdiyi məlumata görə, qarşılaşmalar Elvin Əsgərovla Əliyar Ağayevin başçılıq edəcəyi hakimlər briqadasına tapşırılıb.

30 mart (cümə axşamı)

17:00. “İnter” – “Qəbələ”

Hakimlər: Elvin Əsgərov, Vaqif Musayev, Mehman Mahmudov, Ömər Paşayev

AFFA nümayəndəsi: Arif Fərəcov

Hakim-inspektor: Əli Hüseynov

“İnter Arena”

19:30. “Neftçi” – “Qarabağ”

Hakimlər: Əliyar Ağayev, Zeynal Zeynalov, Rza Məmmədov, Rəhim Həsənov

AFFA nümayəndəsi: Ramiz Mustafayev

Hakim-inspektor: Murad Məmmədov

“Bakcell Arena”, 19:30

Qeyd edək ki, hər iki oyun “CBC Sport” kanalı ilə canlı yayımlanacaq.