Bakı. 12 aprel. REPORT.AZ/ "Keşlə" və "Sumqayıt" komandaları arasında Azərbaycan Kubokunun yarımfinal mərhələsinin ilk oyunu keçirilib.
"Report" xəbər verir ki, "İnter Arena"da baş tutan görüşdə "Keşlə" klubu 1:0 hesabı ilə qələbə qazanıb.
Qarşılaşmada yeganə qolu 90+1-ci dəqiqədə Sezar Meza Kolli vurub.
Qeyd edək ki, yarımfinal mərhələsinin digər ilk görüşü "Qəbələ" və "Neftçi" arasında keçiriləcək. Əyalətdə baş tutacaq görüş saat 18:00-da start götürəcək. Yarımfinal mərhələsinin cavab qarşılaşmaları aprelin 18-də olacaq.