Yuxarı
    Bağlamaq

    ​Azərbaycan Kubokunda "İnter" və "Qarabağ"ın rəqibləri müəyyənləşib

    Şəmkir və Turan Tovuz 1/8 finala yüksəlib

    Bakı. 14 oktyabr. REPORT.AZ/ Futbol üzrə Azərbaycan Kubokunun 1/8 final mərhələsinə son 3 vəsiqədən 2-nin sahibi müəyyənləşib. "Report"un məlumatına görə, bunlar "Turan Tovuz" və "Şəmkir" klublarıdır.

    Tovuz təmsilçisi 1/8 final mərhələsində Bakı "İnter"i ilə üz-üzə gələcək. Baş məşqçi Nizami Sadıqovun komandası ilkin təsnifat mərhələsində MOİK-i Bakıda 2:1 hesabı ilə məğlub edib. Oyunun əsas vaxtı 1:1 hesabı ilə başa çatdığından, qalibi müəyyənləşdirmək üçün əlavə vaxt oynanılıb. Əlavə vaxtda daha bir qol vuran Qərb təmsilçisi adını növbəti mərhələyə yazdırıb.

    "Şəmkir" isə Qusarda "Şahdağ" klubunu 3:1 hesabı ilə məğlub edib. Püşkatmaya əsasən, Kamran Əlibabayevin başçılıq etdiyi komanda 1/8 finalda "Qarabağ"ın qonağı olacaq. Oyunlar dekabrın 2-də baş tutacaq. 

    Qeyd edək ki, ilkin təsnifat mərhələsinin son oyunu da bu gün keçiriləcək. Saat 20:00-da start götürəcək "Şərurspor" - "Qaradağ Lökbatan" görüşünün qalibi 1/8 finalda "Neftçi" ilə qarşılaşacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi