Yuxarı
    Bağlamaq

    Azərbaycan klubu oyun zamanı oturaq aksiya keçirib

    Simurqun futbolçuları İnterlə matç başlayan kimi yerə oturublar

    Bakı. 1 may. REPORT.AZ/ Zaqatalanın "Simurq" klubunun futbolçuları etiraz aksiyası keçiriblər. Oyunçular bu gün "İnter"lə Azərbaycan Premyer Liqasının XXXII tur matçının start fiti çalınan kimi yerə oturublar.

    Onların aksiyası azarkeşlərin alqışları ilə müşayiət olunub. Bu müddətdə "İnter"in futbolçuları topu bir-birilərinə ötürməklə məşğul olub. Bir müddət sonra futbolçular oyuna başlayıblar.

    Klubun mətbuat xidməti bu addımı belə şərh edib: "Bu, "Simurq"un nə AFFA-ya, nə PFL-ə, nə də hakimlərə etirazıdır. Bu, Azərbaycan futboluna, Zaqatala futboluna son qoymağı planlaşdıran şəxslərə etirazdır". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi