Yuxarı
    Bağlamaq

    ​Azərbaycan güləşçiləri dünya çempionatında çıxışını başa vurub

    Yığma komanda 6-cı yerlə kifayətlənib

    Bakı. 21 may. REPORT.AZ/ Azərbaycanın yunan-Roma güləşçilərindən ibarət yığma komandası İranın Şiraz şəhərində keçirilən böyüklər arasında Dünya Kubokunda iştirakını başa vurub. "Report"un məlumatına görə, böyük məşqçisi Şaban Donat və məşqçi Turac Hüseynlinin rəhbərliyi altında çıxış edən yığma 6-cı yerlə kifayətlənib.

    B qrupunun ilk görüşündə Türkiyəyə 3:5 hesabı ilə məğlub olan yığma komanda ardınca ev sahibi İranla da bacarmayıb - 1:7. Azərbaycan güləşçiləri qrup mərhələsinin sonuncu görüşündə Ukraynaya 5:3 hesabı ilə qalib gəlib.

    5-ci yer uğrunda görüşdə isə Azərbaycan və Belarus güləşçiləri yaırşıb. Ümumi hesab bərabər olsa da hakimlərin seçiminə əsasən Belarus yığması turniri 5-ci pillədə tamamlayıb.

    Qeyd edək ki, ötən il keçirilən analoji yarışda Azərbaycanın yunan-Roma güləşçiləri Dünya Kubokunu Bakıya gətirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi