Futbol üzrə Azərbaycan Premyer Liqasında 2018/2019-cu illər mövsümünün bombardiri müəyyənləşib.
"Report" xəbər verir ki, "Qarabağ"ın futbolçusu Mahir Mədətov sonuncu XVIII turda "Neftçi" ilə səfər oyununun 15-ci dəqiqəsində hesabı açaraq, qollarının sayını 15-ə çatdırıb.
Qarşılaşmanın 18-ci dəqiqəsində hesabında 14 qolu olan "Neftçi"nin forvardı Baqali Dabo əzələsini dartaraq meydanı tərk edib.
Bununla da Mədətovun bombardirliyi böyük ölçüdə rəsmiləşib. Düzdür, məsələn, hesabında 9 qol olan "Qarabağ"ın yarımmüdafiəçisi Filip Ozobiçin və ya 7 qolu olan "Neftçi"n oyunçusu Emin Mahmudovun da nəzəri şansı var. Amma onların 6 və ya 8 qol vurması real görünmür.
Qeyd edək ki, saat 18:00-da başlayan matçda çempionluğu erkən təmin edən "Qarabağ" öndədir - 1:0.