Yuxarı
    Bağlamaq

    Azərbaycan - Almaniya oyununun yeri rəsmən dəyişdirilib

    Məsələ ilə bağlı AFFA tərəfindən UEFA-ya müvafiq qaydada müraciət ünvanlanıb

    Bakı. 14 noyabr. REPORT.AZ/ 2018-ci il dünya çempionatının seçmə qrup mərhələsi çərçivəsində Bakıda Azərbaycan və Almaniya yığmaları arasında keçiriləcək oyunun yeri dəyişdirilib. 

    "Report"un AFFA-nın rəsmi saytına istinadən verdiyi məlumata görə, qarşılaşma Tofiq Bəhramov adına Respublika Stadionuna təyin edilib.

    Daha əvvəl bu oyunun Bakı Olimpiya Stadionunda (BOS) təşkili nəzərdə tutulmuşdu. Lakin 2017-ci il IV İslam Həmrəyliyi Oyunları ilə əlaqədar BOS-da müvafiq təşkilati işlərin həyata keçiriləcəyi nəzərə alınaraq, bu addım atılıb. Məsələ ilə bağlı AFFA tərəfindən UEFA-ya müvafiq qaydada müraciət ünvanlanıb.

    Qeyd edək ki, Azərbaycan - Almaniya oyunu martın 26-da keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi