Yuxarı
    Bağlamaq

    Rumıniya çempionatının oyununda qalmaqal baş verib

    Nəticədə hakim oyunu dayandırıb

    Bakı. 4 may. REPORT.AZ/ Futbol üzrə Rumıniya çempionatının 30-cu turunda Buxarestin "Dinamo" və "Styaua" komandaları arasında keçirilən görüşdə insident baş verib. "Report"un "gazeta.ru"ya istinadən verdiyi məlumata görə, azarkeşin meydana atdığı fayer qonaq komandanın qapıçısı Qyedrius Arlauskisin eşitmə qabiliyyətini itirməsinə səbəb olub. 

    Hadisə matçın 46-cı dəqiqəsində baş verib. Fayer əlcək sahibinin qulağına yaxın məsafədən keçib və nəticədə qapıçının sağ qulağı kar olub. Bundan sonra hakim futbolçuları paltardəyişmə otağına göndərib. 20 dəqiqəlik fasilədən sonra komandalar meydana qayıdıb. Xəsarət alan qapıçı da geri dönərək oyunu davam etdirib. 

    Qeyd edək ki, "Dinamo" və "Styaua" arasındakı görüş qonaqların 3:1 hesablı qələbəsi ilə yekunlaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi