Yuxarı
    Bağlamaq

    Azarkeş UEFA-nı və hakimi məhkəməyə verib

    Joze Antonio Kampon 1 660 avro təzminat ödənilməsini tələb edir

    Bakı. 26 noyabr. REPORT.AZ/ İspaniyanın "Atletiko" klubunun azarkeşi Joze Antonio Kampon ingiltərəli hakim Mark Klattenburq və UEFA-dan şikayət edib. 

    "Report" "Anadolu" agentliyinə istinadən xəbər verir ki, o, şikayət ərizəsində Çempionlar Liqasında "Atletiko" və "Real Madrid" klubları arasında keçirilmiş final qarşılaşmasında rəqib komandanın müdafiəçisi Serxio Ramosun vurduğu qolun ofsayt olduğunu bildirib. "Atletiko" klubunun azarkeşi 160 avronun bilet pulu, 1 500 avronun isə ona dəymiş mənəvi zərər olduğunu qeyd edərək 1 660 avro təzminat ödənilməsini istəyib. 

    Qeyd edək ki, bu il mayın 28-də İtaliyanın Milan şəhərində keçirilmiş Çempionlar Liqasının final matçında "Real Madrid" klubunun futbolçusu Serxio Ramos 15-ci dəqqiqədə hesabı açıb. 79-cu dəqiqədə isə "Atletiko" komandasının oyunçusu Yannikk Karraskonun vurduğu qolla hesabda bərabərlik yaranıb. Penaltilər seriyasında isə "kral klubu" 5:3 hesabı ilə qalib gələrək kuboka sahib olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi