Yuxarı
    Bağlamaq

    Avropa Liqasının yarımfinal cütlükləri müəyyənləşib

    Ayaks-Lion klubu ilə qarşılaşacaq

    Bakı. 21 aprel. REPORT.AZ/ Bu gün İsveçrənin Nyon şəhərində Avropa Liqasının yarımfinal mərhələsinin püşkatma mərasimi keçirilib.

    “Report”un məlumatına görə, püşkün nəticəsində Hollandiyanın "Ayaks"  komandası Fransanın "Lion" klubu ilə qarşılaşacaq.

    İspaniya təmsilçisi "Selta" isə İngiltərənin "Mançester Yunayted" komandasın rəqib olub.

    Qeyd edək ki, ilk oyunlar 4 mayda adları birinci göstərilən komandaların meydanında, cavab görüşləri isə 11 mayda olacaq. Həmçinin mayın 24-də İsveçin paytaxtı Stokholmda keçiriləcək final matçının nominal ev sahibi də bəlli olub. Püşk əsasən “Ayaks” – “Lion” cütünün qalibinin adı həlledici qarşılaşmada birinci göstəriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi