Yuxarı

"Qəbələ" və "İnter"in Avropa Liqasının III təsnifat mərhələsindəki rəqibləri müəyyənləşib - YENİLƏNİB

Qəbələ Vest Hemlə, İnter Trabzonsporla qarşılaşa bilər

Bakı. 17 iyul. REPORT.AZ/ Avropa Liqasında III təsnifat mərhələsinin püşkü atılıb. "Report"un məlumatına görə, "İnter" İslandiya "Hafnarfyördur"unu keçsə, İspaniyanın "Atletik" (Bilbao) komandası ilə qarşılaşacaq.

"Qəbələ" Serbiya "Çukariçki"sini üstələyəcəyi halda, "Apollon" (Kipr) - "Trakay" (Litva) cütünün qalibi ilə üz-üzə gələcək.

Oyunlar iyulun 30-da və avqustun 6-da keçiriləcək.

*** 11:45

Bakı. 17 iyul. REPORT.AZ/ Bu gün futbol üzrə Avropa Liqasında III təsnifat mərhələsinin püşkü atılacaq. "Report"un məlumatına görə, Püşkatma öncəsi UEFA səpələnmiş və səpələnməmişlər arasında olan klubları qruplara bölüb.

Azərbaycanın hər iki təmsilçisi səpələnməmişlər qrupuna düşüb. 4-cü qrupda yer alan "Qəbələ" - "Çukariçki" (Serbiya) cütünün qalibi növbəti mərhələdə "Atromitos" (Yunanıstan), "Apollon" (Limassol, Kipr) / "Trakay" (Litva) cütünün qalibi, "Slovan" (Liberets, Çexiya), "Vest Hem" (İngiltərə) / "Birkirkara" (Malta) cütü, "Standard" (Lyej, Belçika) və ya "Borussiya" (Dortmund, Almaniya) komandası ilə üz-üzə gələcək.

5-ci qrupdakı "Hafnarfyördur" (İslandiya) - "İnter" cütünün qalibi isə "Viktoriya" (Portuqaliya), "Trabzonspor" (Türkiyə) - "Differdanj" (Lüksemburq) cütünün qalibi, "Atletik" (İspaniya), "Krasnodar" (Rusiya), "Koper" (Sloveniya) - "Hayduk" (Split, Xorvatiya) cütünün qalibi və ya "Yagelloniya" (Polşa) - "Omoniya" (Kipr) cütünün qalibi ilə qarşılaşacaq.

Qeyd edək ki, püşkatma mərasimi Bakı vaxtı ilə saat 16:00-da başlanacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi