Yuxarı

Avropa çempionatının ilk oyununun qalibi müəyyənləşib

Turnirin ilk görüşü Avstriya və Bosniya və Herseqovina komandaları arasında keçirilib

Bakı. 5 may. REPORT.AZ/ Bu gün 17 yaşadək futbolçular arasında Avropa çempionatı start götürüb. "Report"un məlumatına görə, Bakıda keçirilən turnirin ilk görüşü Avstriya və Bosniya və Herseqovina komandaları arasında keçirilib.

"Bakcell Arena"da keçirilən qarşılaşmaya nominal meydan sahibi olan Avstriya daha aktiv başlayıb. Nəticədə Kristof Baumqartner matçın 18-ci dəqiqəsində komandası hesabda önə çıxarıb - 1:0. 

17 dəqiqə sonra gənc yarımmüdafiəçi dubl edərək özünün və komandasının ikinci qolunu vurub. İkinci hissədə qapılara qol vurulmayıb və qarşılaşma Avstriyanın 2:0 hesablı qələbəsi ilə yekunlaşıb.

İlk oyundan sonra Avstriya yığması aktivinə 3 xal yazaraq B qrupunun birinci pilləsini ələ keçirib. Qrupun digər oyunu Bakı Olimpiya Stadionunda keçiriləcək. Saat 17:00-da start götürəcək qarşılaşmada Ukrayna və Almaniya komandaları üz-üzə gələcəklər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi