Yuxarı

​Avropa çempionatının açılış oyununa satılan biletlərin sayı 25 minə çatıb

Komandalar Boulevard Hoteldə məskunlaşacaq

Bakı. 26 aprel. REPORT.AZ/ Bakıda 17 yaşadək futbolçular arasında keçiriləcək Avropa çempionatının açılış oyununa 25 minə yaxın bilet satılıb. Bu barədə "Report"a Avropa çempionatının Yerli Təşkilat Komitəsinin media direktoru Firuz Abdulla məlumat verib.

Onun sözlərinə görə, biletlərin sahibləri Bakı Olimpiya Stadionunda keçiriləcək Azərbaycan-Portuqaliya matçını və açılış mərasimini izləyə biləcəklər.

Bundan başqa, F.Abdulla bildirib ki, paytaxta gələcək komandalar, UEFA nümayəndələri və qurumun əməkdaşları "Boulevard Hotel"də məskunlaşacaqlar. Oyunları idarə edəcək hakimlər isə "Kempinski" oteldə qalacaqlar.

Qeyd edək ki, mayın 5-də keçiriləcək Avropa çempionatının rəsmi açılış oyunu saat 20:00-da başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi