Yuxarı
    Bağlamaq

    Bu gün ​AVRO-2016-nın seçmə qrup mərhələsinin daha 8 oyunu keçiriləcək

    Gürcüstan doğma meydanda Şotlandiya ilə qarşılaşacaq

    Bakı. 4 sentyabr. REPORT.AZ/ Bu gün AVRO-2016-nın seçmə qrup mərhələsində VII turun növbəti oyunları keçiriləcək. "Report"un məlumatına görə, ikinci oyun günündə 8 görüş baş tutacaq.

    Kaxaber Tsxadadzenin baş məşqçi olduğu müddətdə xal qazana bilməyən Gürcüstan millisi Şotlandiya yığmasını qəbul edəcək. Tsxadadze bu görüşə sabiq komandası Bakı "İnter"indən 2 futbolçu - Zurab Xizanişvili və Nika Kvekveskirini çağırıb. Qələbə təqdirində, qonşu ölkənin D qrupundakı mövqeyində heç bir dəyişiklik baş verməyəcək. Britaniyalıların qələbəsi isə qrupun ön pillələrində yerdəyişmələrə səbəb ola bilər. Bu, Almaniya - Polşa matçının nəticəsindən asılı olacaq. Bundestim qrupda yeganə məğlubiyyətini məhz Varşavada qonşularından alıb.

    D qrupunun digər oyununda isə Almaniya və Polşa komandaları üz-üzə gələcək. Frankfurtda baş tutacaq görüş hər iki komanda üçün böyük önəm daşıyır. Qələbə qazanan komanda qrup liderliyini ələ keçirəcək. Heç-heçə isə hazırda 14 xalla liderlik kürsüsündə əyləşən Polşaya sərf edir.

    Gürcüstandan da ağır durumda olan Ermənistan millisi isə Serbiyanın qonağı olacaq. Qarşılaşmanı azərbaycanlı futbolsevərlərin də yaxından tanıdıqları çexiyalı referi Miroslav Zelinka idarə edəcək. Meydan sahibləri II turda Albaniya ilə oyun zamanı baş verən məlum olaylar üzündən 3 xal itirib. Bu səbəbdən, balkanlılar oyuna -2 xalla başlayacaqlar.

    Daha 2 qonşu - Macarıstanla Rumıniya isə F qrupunun mərkəzi görüşündə üz-üzə gələcək.

    AVRO-2016

    Seçmə qrup mərhələsi, VII tur


    4 sentyabr

    D qrupu

    21:00. Gürcüstan - Şotlandiya

    Baş hakim: Ovidiu Haţeqan (Rumıniya)

    Tbilisi. Boris Payçadze adına "Dinamo Arena"

    23:45. Almaniya - Polşa

    Baş hakim: Nikola Ritsoli (İtaliya)

    Frankfurt. Frankfurt stadionu

    23:45. Cəbəllütariq - İrlandiya

    Baş hakim: Mario Strahonya (Xorvatiya)

    Faro-Lule (Portuqaliya). "Estadio Alqarve"

    Xal durumu: Polşa - 14, Almaniya - 13, Şotlandiya - 11, İrlandiya - 9, Gürcüstan - 3, Cəbəllütariq - 0.

    F qrupu

    23:45. İslaniya - Şimali İrlandiya

    Baş hakim: Felix Tsvayer (Almaniya)

    Torşavn. "Torsvollur" stadionu

    23:45. Yunanıstan - Finlandiya

    Baş hakim: Sergey Boyko (Ukrayna)

    Pirey. "Georgios Karaiskakis" stadionu

    23:45. Macarıstan - Rumıniya

    Baş hakim: Feliks Brıx (Almaniya)

    Budapeşt. "Qrupama Arena"

    Xal durumu: Rumıniya - 14, Şimali İrlandiya - 13, Macarıstan - 11, İslandiya - 6, Finlandiya - 4, Yunanıstan - 2.

    İ qrupu

    23:45. Danimarka - Albaniya

    Baş hakim: Uillyam Kollum (Şotlandiya)

    Kopenhagen. "Parken" stadionu

    23:45. Serbiya - Ermənistan

    Baş hakim: Miroslav Zelinka (Çexiya)

    Novi Sad. "Karadorde" stadionu

    Xal durumu: Portuqaliya - 12, Danimarka - 10, Albaniya - 10, Ermənistan - 1, Serbiya - -2

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi