Yuxarı
    Bağlamaq

    ​AVRO-2016-nın "play-off" mərhələsinin ilk turuna yekun vurulacaq

    Ukrayna Sloveniya yığmasını sınağa çəkəcək

    Bakı. 14 noyabr. REPORT.AZ/ Bu gün futbol üzrə AVRO-2016-nın "play-off" mərhələsinin daha 2 oyunu keçiriləcək. "Report"un məlumatına görə, bu oyunlarla ilk turun görüşləri yekunlaşacaq.

    Günün ilk oyununda Ukrayna millisi doğma azarkeşlər önündə Sloveniyanı qəbul edəcək. Qarşılaşma Lvov şəhərinin eyniadlı arenasında keçiriləcək. Oyunu isveçli hakim Conas Eriksson idarə edəcək. Ukrayna yığması qrup mərhələsini İspaniya və Slovakiyadan sonra, Sloveniya isə İngiltərə və İsveçrədən sonra 3-cü olub.

    Son oyunda isə İsveç və Danimarka yığmaları münasibətlərinə aydınlıq gətirəcək. Solna şəhərində yerləşən "Frends Arena"da keçiriləcək qarşılaşma Bakı vaxtı ilə saat 23:45-də start götürəcək. Oyunu italiyalı referi Nikola Rizzoli idarə edəcək. İsveç G, Danimarka isə G qruplarından "play-off"a vəsiqə qazanıblar.

    AVRO-2016, "play-off" mərhələsi

    21:00. Ukrayna - Sloveniya

    Baş hakim: Conas Eriksson

    Baş hakimin köməkçiləri: Matias Klasenius, Daniel Vernmark

    Dördüncü hakim: Fredrik Nilsson (hamısı İsveç)

    Lvov. "Lvov Arena"

    23:45. İsveç - Danimarka

    Baş hakim: Nikola Rizzoli

    Baş hakimin köməkçiləri: Elenito Di Liberator, Mauro Tonolini

    Dördüncü hakim: Andrea Padovan (hamısı İtaliya)

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi