Yuxarı

AVRO-2016-da "Yuventus" və "Liverpul" daha çox futbolçu ilə təmsil olunacaq

İngiltərənin Mançester Yunayted və Tottenhem klublarının turnirdə 10 oyunçusu olacaq

Bakı. 2 iyun. REPORT.AZ/ Bu il Fransada keçiriləcək Avropa Çempionatında ən çox futbolçu ilə təmsil olunacaq klubların adları məlum olub.

"Report" xəbər verir ki, bunlar İtaliyanın "Yuventus" və İngiltərənin "Liverpul" klublarıdır.

Adıçəkilən komandalar AVRO-2016-da 12 futbolçu ilə təmsil olunacaq.

İngiltərənin "Mançester Yunayted" və "Tottenhem" klublarının turnirdə 10 oyunçusu olacaq. İspaniyanın "Barselona", Almaniyanın "Bavariya", Türkiyənin "Fənərbaxça" və Ukraynanın "Şaxtyor" klubları 9, Rusiyanın ÇSKA, İspaniyanın "Real Madrid" və İngiltərənin "Arsenal" futbol komandaları isə 8 nümayəndə ilə təmsil olunacaqlar.

Qeyd edək ki, Fransada keçiriləcək AVRO-2016 iyunun 10-dan iyulun 10-dək baş tutacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi