Yuxarı

AVRO-2016-da çıxış etmiş futbolçusu "Qarabağ"ın Avstriyadakı təlim-məşq toplanışına qoşulub

Ansi Aqolli bu gündən məşqlərdə iştirak edəcək

Lənkəran. 27 iyun. REPORT.AZ/ Albaniya millisinin heyətində Fransadakı Avropa çempionatının final mərhələsində çıxış etmiş Ansi Aqolli "Qarabağ"ın Avstriyada davam edən təlim-məşq toplanışına qatılıb. 

"Report"un məlumatına görə, 34 yaşlı müdafiəçi bu gündən Ağdam komandasının məşqlərində iştirak edəcək.

Aqolli AVRO-2016-da 3 oyunda meydana çıxıb və 2-də kapitan sarğısını daşıyıb. Albaniya A qrupunda 3 xalla 3-cü yeri tutsa da, 1/8 finala yüksələ bilməyib. 

Qeyd edək ki, Ansi Aqolli Azərbaycan çempionatları tarixində Avropa çempionatı kimi mötəbər turnirdə iştirak edən ilk futbolçudur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi