Yuxarı

"Atletiko"nun futbolçusu Çempionlar Liqasının qrupundan "Qarabağ"a görə çıxa bilmədiklərini etiraf edib

"Atletiko"nun futbolçusu Çempionlar Liqasının qrupundan "Qarabağ"a görə çıxa bilmədiklərini etiraf edib
Filipe Luis: Bu komandaya hər iki oyunda qalib gələ bilmədik

Bakı. 3 mart. REPORT.AZ/ "Biz "Qarabağ"la 2 oyunumuzun nəticəsində Çempionlar Liqasının qrupunda qalası olduq".

"Report" xəbər verir ki, bunu İspaniya "Atletiko"sunun futbolçusu Filipe Luis "Marca"ya müsahibəsində deyib. 33 yaşlı müdafiəçi bildirib ki, bu mövsüm Çempionlar Liqasının C qrupunda Azərbaycan komandası ilə hər iki görüşdə qalib gəlməyin yolunu tapa bilməyiblər. Lakin o, İtaliyanın "Roma" və İngiltərənin "Çelsi" komandalarına qarşı əla oynadıqlarını vurğulayıb. Braziliyalı legioner Çempionlar Liqasında mübarizəni dayandırmalarından dərs çıxardıqlarını söyləyib: "Komandamız 1/8 finala vəsiqə qazanmağa layiq olduğunu anlayırdı. Lakin Çempionlar Liqası səddini keçə bilməməyimizi də normal qəbul etmişik. İndi Avropa Liqasında mübarizəni davam etdiririk. Bunu özümüzə bir çağırış hesab edirik. Çempionlar Liqası həyəcanı geridə qaldı. Bu, hamı üçün ağırdır, amma faciəni üzərimizdən atmaq üçün özümüzdə güc tapa bilmişik".

Qeyd edək ki, "Atletiko" "Qarabağ"la Bakıdakı görüşdə 0:0, Madriddə isə 1:1 hesablı heç-heçə edib. C qrupunu 7 xalla başa vuran İspaniya komandası 3-cü yeri tutduğu üçün mübarizəni Avropa Liqasında davam etdirir. Dieqo Simeonenin baş məşqçi olduğu kollektiv Avroliqanın 1/16 final mərhələsində Danimarka "Kopenhagen"ini 4:1 və 1:0 hesablı qələbələrlə üstələyib. 1/8 finalda rəqib Rusiya "Lokomotiv"i olacaq. Oyunlar martın 8-də və 15-də keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi