Bakı. 7 aprel. REPORT.AZ/ İspaniyanın “Atletiko” klubunun futbolçusu Koke Madirddə qarət olunub.
“Report”un “El Mundo” nəşrinə istinadən verdiyi məlumata görə, əlində tapança olan naməlum şəxs 25 yaşlı yarımmüdafiəçinin avtomobilinə yaxınaşaraq, saatını əlindən alıb.
Bundan sonra soyğunçu motosikletlə hadisə yerindən uzaqlaşıb. Koke isə insidentlə bağlı polisə ərizə ilə müraciət edib.
Aksessuarın təxmini dəyəri 70 min dollardır.
Qeyd edək ki, Koke 2009-cu ildən “Atletiko”da çıxış edir.