"Beşiktaş" "Arsenal"ın futbolçusunu icarəyə götürüb

Türkiyənin "Beşiktaş" klubu İngiltərə "Arsenal"ının futbolçusu Məhəmməd Elnenini heyətinə qatıb.

"Report"un klubun rəsmi saytına istinadən verdiyi məlumata görə, misirli dayaq yarımmüdafiəçisi sonradan birdəfəlik satın alınması şərtilə icarəyə götürülüb.

Qeyd edək ki, Elneni "Arsenal"a 2015/2016 mövsümünün qış fasiləsində İsveçrə "Bazel"indən transfer olunub.