Yuxarı
    Bağlamaq

    "Arsenal" böyük fərqlə geridə olduğu oyunda heç-heçəyə nail olub - VİDEO

    Komanda məğlubiyyətdən son dəqiqələrdə yaxa qurtarıb

    Bakı. 4 yanvar. REPORT.AZ/ Futbol üzrə İngiltərə çempionatının 20-ci turunda "Bornmut" klubu görüşün ikinci hissəsində üç top fərqi ilə öndə olduğu oyunda "Arsenal"a qalib gələ bilməyib.

    "Report" xəbər verir ki, nəticədə Bornmutda keçirilən matç 3:3 hesablı heç-heçə ilə başa çatıb.

    Ev sahiblərinin heyətində Çarli Deniels (16-cı dəqiqə), Kallum Uilson (20, penaldan) və Rayan Freyzer (58) fərqləniblər. "Arsenal"dan qolları Aleksis Sançes (70), Lukas Peres (75) və Olivye Jiru (90+2) vurub.

    "Bornmut" oyunu 1 nəfər azlıqda başa vurub. Belə ki, 82-ci dəqiqədə Saymon Frensis qırmızı vərəqə alıb.

    Yanvarın 14-də keçiriləcək növbəti turda "topçular" səfərdə "Suonsi" ilə qarşılaşacaqlar, "Bornmut" isə "Hall"ın qonağı olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi