Yuxarı
    Bağlamaq

    Arda Turan "Yuventus"a qarşı oynamayacaq

    Barselonada 4 futbolçunun adı bugünkü oyunun iştirak ərizəsinə salınmayıb

    Bakı. 19 aprel. REPORT.AZ/ Bu gün İspaniyanın "Barselona" klubunun 4 futbolçusu İtaliyanın "Yuventus" klubu ilə Çempionlar Liqasının 1/4 final mərhələsinin cavab görüşündə meydana çıxmayacaq. 

    "Report"un məlumatına görə, Aleyş Vidal və Rafinya zədəli olduqları üçün oynamamayacaqlar.

    Türkiyəli yarımmüdafiəçi Arda Turanla fransalı müdafiəçi Jeremi Matyönün adı da iştirak ərizəsinə salınmayıb. Onların hansı səbəbdən kənarda qaldıqları bilinmir.

    Əvəzində daha bir orta sahə oyunçusu Xavyer Maskerano kiçik zədəsini bərpa edib. İspaniya La Liqasında ötən turun "Real Sosyedad"la görüşünü buraxan argentinalı yarımmüdafiəçi bu gün forma geyinəcək.

    Qeyd edək ki, "Barselona" - "Yuventus" matçı Bakı vaxtı ilə saat 22:45-də başlayacaq. İlk görüşdə İtaliya klubu böyük hesabla qalib gəlib - 3:0. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi