Antonio Konte "İnter" komandasına baş məşqçi təyin olunub

İtaliyanın "İnter" futbol komandasına yeni baş məşqçi təyin olunub.

"Report"un məlumatına görə, Antonio Konte ilə 3 illik müqavilə bağlanılıb. 49 yaşlı mütəxəssis yeni vəzifədə Luçano Spalettini əvəzləyib. 

Qeyd edək ki, Antonio Konte əvvəllər "Yuventus", İtaliya milli komandası və İngiltərənin "Çelsi" komandalarının baş məşqçisi kimi çalışıb. "İnter" 2018-2019 mövsümündə A Seriyasını 69 xalla 4-cü yerdə başa vurub və Çempionlar Liqasına vəsiqə qazanıb.